CEUK BEJA IEU GE CENAH

Nu disebut bagja dina rumah tangga
Aya nu ngaharewos kieu mere bewara
Cenah hirup sugih teh loba pangabisa
Bandana oge ngalayah di tengah imah

Nepika hese usik malik bakat ku loba
Bro di juru bro di panto kabeh banda
Ceuk paribasana hese hitut hitut acan
Ngan ceuk kuring eta mah balangsak

Naha ?
Sabab mun hese usik malik susah tea
Komo hese hayang diuk-diuk acan mah
Ngarana IMAH leutik sagewok ngagalar
Tapi di sebutkeun bagja mah tumarima

Kana kadar taqdir nu di paparin Allah swt
mun tea mah aya pangaboga dina harta
Bisa karasa ku keluarga jeung tatangga
Sabab mere maweh katatangga ibadah

Tah najan keluarga kecil pasti bahagiana
Sok komo bari boga mitoha gede kanyaah
Dulur 2 daraek nganjang bari barangbawa
Jigana betah hirup di dunia teh da karasa

Ditambah boga imah pageuh
Pamajikan jarang reuneuh
Boga mitoha tara garah geureuh
Meureun hirup teh moal riweuh